Psa 90 | VulgJ | STEP | laus cantici David qui habitat in adiutorio Altissimi in protectione Dei caeli commorabitur qui habitat in abscondito Excelsi in umbraculo Domini commorabitur

Psalms 90

1 laus cantici David qui habitat in adiutorio Altissimi in protectione Dei caeli commorabitur ^va 2 dicet Domino susceptor meus es tu et refugium meum Deus meus sperabo in eum ^va 3 quoniam ipse liberabit me de laqueo venantium et a verbo aspero ^va 4 in scapulis suis obumbrabit te et sub pinnis eius sperabis ^va 5 scuto circumdabit te veritas eius non timebis a timore nocturno ^va 6 a sagitta volante in die a negotio perambulante in tenebris ab incursu et daemonio meridiano ^va 7 cadent a latere tuo mille et decem milia a dextris tuis ad te autem non adpropinquabit ^va 8 verumtamen oculis tuis considerabis et retributionem peccatorum videbis ^va 9 quoniam tu Domine spes mea Altissimum posuisti refugium tuum ^va 10 non accedent ad te mala et flagellum non adpropinquabit tabernaculo tuo ^va 11 quoniam angelis suis mandabit de te ut custodiant te in omnibus viis tuis ^va 12 in manibus portabunt te ne forte offendas ad lapidem pedem tuum ^va 13 super aspidem et basiliscum ambulabis et conculcabis leonem et draconem ^va 14 quoniam in me speravit et liberabo eum protegam eum quia cognovit nomen meum ^va 15 clamabit ad me et exaudiam eum cum ipso sum in tribulatione eripiam eum et clarificabo eum ^va 16 longitudine dierum replebo eum et ostendam illi salutare meum

^va